कुण्डलिया छंद
कुण्डलिया छंद
आथे सबके अंगना,पहुना कभू कभार ।
लगथे जइसे देवता,हमर पधारे द्वार ।।
हमर पधारे द्वार,करँव गा कइसे स्वागत,
नइये चाँउर दार,रोज महँगाई बाढ़त ।
कर सकेंव नइ मान,सगा हा पर घर खाथे,
अइसन हे अब हाल,अंगना पहुना आथे ।
कुण्डलिया छंद
कुण्डलिया छंद दोसी हावय कोन अब,जलके होगे खाख । कतको लइका आज गा,कोचिंग मा नइ साख ।। कोचिंग मा नइ साख,मौत के बनगे सेंटर, जरके मरिस अतेक,रहीगे देखत मेंटर । खो दिस बेटा फेर,अकेल्ला होगे मोसी, गिरगे दुख के गाज,कोन हे एकर दोसी ।
Comments
Post a Comment