दोहा छंद-ओंकारेश्वर धाम
दरसन कर शिवलिंग के,ओंकारेश्वर धाम ।
बन के भँवरा जाप कर,तैं हर शिव के नाम ।।
आज महाशिवरात हे,बम बम बंदे बोल ।
मन के बिख ला शिव हरे,तब हे तन के मोल ।।
आज महाशिवरात के,चढ़े भक्ति के रंग ।
दरसन भोलेनाथ के,जुरमिल करबो संग ।।
कुण्डलिया छंद
कुण्डलिया छंद दोसी हावय कोन अब,जलके होगे खाख । कतको लइका आज गा,कोचिंग मा नइ साख ।। कोचिंग मा नइ साख,मौत के बनगे सेंटर, जरके मरिस अतेक,रहीगे देखत मेंटर । खो दिस बेटा फेर,अकेल्ला होगे मोसी, गिरगे दुख के गाज,कोन हे एकर दोसी ।
Comments
Post a Comment