दोहा छंद-राजिम मेला
माँघी पुन्नी मा लगय,राजिम मेला धाम ।
दान पुन्न कतको करय,मनखे प्रभु के नाम ।।
राजिम मेला धाम मा,मन के कचरा फेंक ।
नेकी गठरी बाँध के,करले पुन्न अनेक ।।
कुण्डलिया छंद
कुण्डलिया छंद दोसी हावय कोन अब,जलके होगे खाख । कतको लइका आज गा,कोचिंग मा नइ साख ।। कोचिंग मा नइ साख,मौत के बनगे सेंटर, जरके मरिस अतेक,रहीगे देखत मेंटर । खो दिस बेटा फेर,अकेल्ला होगे मोसी, गिरगे दुख के गाज,कोन हे एकर दोसी ।
Comments
Post a Comment