शंकर छंद
शंकर छंद
जब ले आ हे हार्वेस्टर हा,लुये अब्बड़ धान।
लउहा होथे काम-बुता हा,जान डरिन किसान।
एक डहर हे बिकट फायदा,आन हे नुकसान।
बिन रोजी बनिहार रहय गा,अबड़ के परसान।
कुण्डलिया छंद
कुण्डलिया छंद दोसी हावय कोन अब,जलके होगे खाख । कतको लइका आज गा,कोचिंग मा नइ साख ।। कोचिंग मा नइ साख,मौत के बनगे सेंटर, जरके मरिस अतेक,रहीगे देखत मेंटर । खो दिस बेटा फेर,अकेल्ला होगे मोसी, गिरगे दुख के गाज,कोन हे एकर दोसी ।
Comments
Post a Comment