दोहा छंद-कपाट
दुख के काँटा मा भरे,जिनगी के हर बाट ।
बंद परे हे मोर गा,सुख के भाग कपाट ।।
अँधियारी चारो मुड़ा,अउ नइ दिखे कपाट ।
लकर-धकर मा गिर जबे,जाही फूट ललाट ।।
कुण्डलिया छंद
कुण्डलिया छंद दोसी हावय कोन अब,जलके होगे खाख । कतको लइका आज गा,कोचिंग मा नइ साख ।। कोचिंग मा नइ साख,मौत के बनगे सेंटर, जरके मरिस अतेक,रहीगे देखत मेंटर । खो दिस बेटा फेर,अकेल्ला होगे मोसी, गिरगे दुख के गाज,कोन हे एकर दोसी ।
Comments
Post a Comment