त्रिभंगी छंद
त्रिभंगी छंद
बरसा रितु आ गे,किस्मत जागे,सब किसान के,भाग बने।
अब कर जोताई,अउ बोवाई,खेत-खार के,पाग बने।
ए मोरे भाई,धरती दाई,सोन उगलही,खान बने।
महिनत कर मनखे,तभ्भे तन के,भूख मिटाही,जान बने।
कुण्डलिया छंद
कुण्डलिया छंद दोसी हावय कोन अब,जलके होगे खाख । कतको लइका आज गा,कोचिंग मा नइ साख ।। कोचिंग मा नइ साख,मौत के बनगे सेंटर, जरके मरिस अतेक,रहीगे देखत मेंटर । खो दिस बेटा फेर,अकेल्ला होगे मोसी, गिरगे दुख के गाज,कोन हे एकर दोसी ।
Comments
Post a Comment