दोहा छंद-बनिहार
मालिक मन बनिहार ले,लेथे अब्बड़ काम ।
वोकर एवज मा उचित,नइ देवय गा दाम ।।
बनी करय बनिहार हा,गाँव-शहर मा खोज ।
तभ्भे मिलथे पेट भर,पानी पसिया रोज ।।
चाहत हँव मैं रोज के,चटनी बासी खाँव ।
तन के जाँगर पेरके,धरती ला सिरजाँव ।।
कुण्डलिया छंद
कुण्डलिया छंद दोसी हावय कोन अब,जलके होगे खाख । कतको लइका आज गा,कोचिंग मा नइ साख ।। कोचिंग मा नइ साख,मौत के बनगे सेंटर, जरके मरिस अतेक,रहीगे देखत मेंटर । खो दिस बेटा फेर,अकेल्ला होगे मोसी, गिरगे दुख के गाज,कोन हे एकर दोसी ।
Comments
Post a Comment