हरिगीतिका छंद
हरिगीतिका छंद
अब गाँव लागे ना शहर गा,जाम नाली हा परे।
कचरा समागे माढ़गे जल,भूसड़ी भुनभुन करे।।
जब चाब दे कोनो ल मच्छर,फेर डेंगू ज्वर चढ़े।
झन रोग फैले कर सफाई,दू कदम आघू बढ़े।।
कुण्डलिया छंद
कुण्डलिया छंद दोसी हावय कोन अब,जलके होगे खाख । कतको लइका आज गा,कोचिंग मा नइ साख ।। कोचिंग मा नइ साख,मौत के बनगे सेंटर, जरके मरिस अतेक,रहीगे देखत मेंटर । खो दिस बेटा फेर,अकेल्ला होगे मोसी, गिरगे दुख के गाज,कोन हे एकर दोसी ।
Comments
Post a Comment