हरिगीतिका छंद
हरिगीतिका छंद
कचरा हवै नाली म बिक्कट,गाँव के हर घाट मा।
अब कोन करही साफ-सुथरा,गाँव के हर बाट मा।।
ए सोच के झन मौन रइहौं,हाथ आघू ले करव।
अब थाम के खुद फावड़ा ला,साफ जुरमिल के करव।।
कुण्डलिया छंद
कुण्डलिया छंद दोसी हावय कोन अब,जलके होगे खाख । कतको लइका आज गा,कोचिंग मा नइ साख ।। कोचिंग मा नइ साख,मौत के बनगे सेंटर, जरके मरिस अतेक,रहीगे देखत मेंटर । खो दिस बेटा फेर,अकेल्ला होगे मोसी, गिरगे दुख के गाज,कोन हे एकर दोसी ।
Comments
Post a Comment