सुंदरी सवैया आही
सुंदरी सवैया
कइसे कब ए जग मा अब प्रेम भरे दिन ला
मनखे मन पाही।
इरसा तज के मनखे मन हा सबके भलई बर हाथ बढ़ाही।
बइरीपन ला तज के मनखे मन हा मितवा सबके बन जाही।
रइही अपनापन हा जग मा तब प्रेम भरे दिन हा फिर आही।
कुण्डलिया छंद
कुण्डलिया छंद दोसी हावय कोन अब,जलके होगे खाख । कतको लइका आज गा,कोचिंग मा नइ साख ।। कोचिंग मा नइ साख,मौत के बनगे सेंटर, जरके मरिस अतेक,रहीगे देखत मेंटर । खो दिस बेटा फेर,अकेल्ला होगे मोसी, गिरगे दुख के गाज,कोन हे एकर दोसी ।
Comments
Post a Comment