कुण्डलिया छंद-कहना मान
गहना बड़का जान लव,मीठ मया के बोल।
मान रखै जे बोल के,मनखे उन अनमोल।।
मनखे उन अनमोल,अपन करनी जे परखे,
कथनी-करनी आन,रखै कलजुग के मनखे।
कहना मान "चितेश",उचित हे जेकर कहना,
कथनी-करनी कर्म,सोन ले बड़का गहना।
जीतेन्द्र निषाद "चितेश"
कुण्डलिया छंद
कुण्डलिया छंद दोसी हावय कोन अब,जलके होगे खाख । कतको लइका आज गा,कोचिंग मा नइ साख ।। कोचिंग मा नइ साख,मौत के बनगे सेंटर, जरके मरिस अतेक,रहीगे देखत मेंटर । खो दिस बेटा फेर,अकेल्ला होगे मोसी, गिरगे दुख के गाज,कोन हे एकर दोसी ।
Comments
Post a Comment