जीतेन्द्र निषाद "चितेश"

जिसके सिर में सजेगा गाँव में सरपंच का ताज। लोगों के दिल पर विनम्रता से सदा कीजिए राज। इसी विश्वास और अग्रिम शुभकामना के साथ। जुझारू प्रत्याशी धैर्य को ही बनाएँ अपना हाथ। हाथ=सहयोगी,कर्मचारी (ला.अ.)

मानवता के गुण बिना पुन सब सून हे। कलजुग म मनखे के इही अवगुण हे। धन से भले धनी हे अब के मनखे। फेर दिल से निच्चट कंगला हे वतके।

सुनव अमरित बानी धान बोवैया मन बर,चना-गहूँ वाले मन। मजा आथे इन ल बीच बाजार फधित्ता करके जानेमन। देखव सब असली रंग,चना-गहूँ बोके अमृत बचाय के करय ढोंग। अमृत बचइया मन उतेरा उतेरे के काबर नइ करय जोंग। उतेरा के फसल खेत के नमी म पकथे,त अमृत सरबस बच सकथे। फेर गाँव के हितैषी मन दूध के धुले कस चना-गहूँ बोके नियाव करथे। चोरी एक रुपया के करव या पचास के कानून म धारा एक ही लगथे। फेर धान बोवैया मन बर चना-गहूँ वाले मन पंच परमेश्वर बनथे। सुवारथ म पद बर दिखावा करके चुनाव के मैदान म उतरथे। एक ही दल ले कई प्रत्याशी ठीहा म ठगनी माया कस ठगथे। गाँव बर हितवा प्रत्याशी के धान बोवैया बर हितवा सोच। सोच-समझके संगी देहू तुमन इन ल अपन कीमती वोट। जीतेन्द्र निषाद'चितेश'

अब आवत हे चुनाव मीठलबरा मन ईमानदारी से करही लगाव। हितवा बनके,भोकवा समझके,जनता के करही भारी भरिहाव। विकास के गंगा बहा दीही हितैषी मन गोठे-गोठ म।असल के धरातल म विकास ल देखके पड़ जाबे सोच म। करही भारी वादा मुखिया बने बर जुबान के राशनकार्ड म। नपा लव नाली-कलामंच बनाय बर अपन गली,अपन वार्ड म। मुखिया बने के बाद असल खेला होही ऑडिटर के दफ्तर म। धरसा ह रद्दा बन जाही बिना मुरुम के कमीशन के डम्फर म। गली ह नाली बन जाही,बोहाही घर के मुंँहाटी म निरमल धारा। सारा-भांँटो के गारी ले कम नइ होय पारा म भाईचारा। अब परजा घलो फोकट के खाय बर सरबस टकरहा होगे। प्रत्याशी नंगत खर्च करथे सुवारथ म पद बर हफरहा होगे। जे लगाही अपन कमाई के असल ल राजनीति के फसल म। वसलूही चार सौ बीसी करके ईमानदारी से अपन अकल म। ग्राम सभा म गाँव के बुनियादी सुविधा के बारे म बिना खोट के। मुखिया ल उही बोल सकथे जे वोट करे रही बिना नोट के। मानवता,ईमानदारी नइ मिलय कलजुगी मनखे के तरी घट म। कइसे विकास के गंगा बोहाही संगी गांव-गली अवघट म। निःसुवारथ काम करही गाँव के जे मुखिया तभ्भे नवा इतिहास गढ़ही। परजा घलो बिना लोभ के वोट दीही सोच-समझके तभ्भे गाँव तर...