नवा जमाना आ गे हे
नवा जमाना आ गे हे,नवा फैशन भा गे हे।
कृष्ण के चोला पहिर पौंड्रक मन छा गे हे।
नंगत के सम्हरावै अउ करै दिखावापन।
कलयुग म मनखे मन लइका ल अपन।
कोनो बनावै राधा,कोनो बनावै कृष्णा।
फेर सीख नइ दे पाइन तजे बर तृष्णा।
नकली चोला पहिर कइसे कृष्णा बन पाही?
जब मानवता के गुण लइका म नइ समाही।
कृष्ण असन काम म पग पग देय ल परही परीक्षा।
अउ जनहित बर प्राण देके करे ल परही समीक्षा।
जीतेन्द्र निषाद"चितेश"
Comments
Post a Comment