अमृतध्वनि छंद
नर - नारी मन संग मा,नींदें खेती खार।
घाम प्यास झेलय अबड़ ,जाँगर टोरत झार।।
जाँगर टोरत,करय किसानी,दुनों परानी।
चटनी बासी,खाके बोलय,गुरतुर बानी।।
बढ़िया होही,धान पान हा,जब यहु दारी।
लइका मन ला,बने पढ़ाबो,हम नर नारी।।
कुण्डलिया छंद
कुण्डलिया छंद दोसी हावय कोन अब,जलके होगे खाख । कतको लइका आज गा,कोचिंग मा नइ साख ।। कोचिंग मा नइ साख,मौत के बनगे सेंटर, जरके मरिस अतेक,रहीगे देखत मेंटर । खो दिस बेटा फेर,अकेल्ला होगे मोसी, गिरगे दुख के गाज,कोन हे एकर दोसी ।
Comments
Post a Comment