बरवै छंद
बरवै छंद
घाम अबड़ हे संगी,लागे प्यास ।
घर मा नइये पानी,टूटे आस ।।
तरिया-नरवा सुक्खा,अब्बड़ दूर ।
चार कोस मा पानी,हे भरपूर ।।
रुखराई ला काटे,नइये छाँव ।
मनखे के ये करनी,खेले दाँव।।
समय रहत ले जागव,पेड़ लगाव ।
सरग सहीं सब छँइहाँ,अपन बनाव ।।
कुण्डलिया छंद
कुण्डलिया छंद दोसी हावय कोन अब,जलके होगे खाख । कतको लइका आज गा,कोचिंग मा नइ साख ।। कोचिंग मा नइ साख,मौत के बनगे सेंटर, जरके मरिस अतेक,रहीगे देखत मेंटर । खो दिस बेटा फेर,अकेल्ला होगे मोसी, गिरगे दुख के गाज,कोन हे एकर दोसी ।
Comments
Post a Comment