रोला छंद

                   रोला छंद

आलू छाँट निमार,हाट ले लावौ ताजा,
आरुग अच्छा साग,हरे ए सब्जी राजा ।
नइये निमगा आज,खेत मा छींचे महुरा,
जैविक खेती छोड़,लोभ मा मनखे बहुरा ।।

गोबर खातू डार,खेत मा सबले जादा,
नइ होवय नुकसान,रही धरती हा सादा ।
मनखे गे हे भूल,आज अब कोन बतावैं,
दवई-दारू छींच,फसल जम्मों उपजावैं ।।

Comments

Post a Comment

Popular posts from this blog

कुण्डलिया छंद

                   कुण्डलिया छंद दोसी हावय कोन अब,जलके होगे खाख । कतको लइका आज गा,कोचिंग मा नइ साख ।। कोचिंग मा नइ साख,मौत के बनगे सेंटर, जरके मरिस अतेक,रहीगे देखत मेंटर । खो दिस बेटा फेर,अकेल्ला होगे मोसी, गिरगे दुख के गाज,कोन हे एकर दोसी ।
Read more

महाशिवरात्रि

महाशिवरात्रि लागौं तोर जोहार महादेव,लागौं तोर जोहार । तोर करत हँव गोहार महादेव,आके तोर दुआर। होवत हवय कलजग मा,नंगत के लूट,हत्या अउ भ्रष्टाचार। कतको दुर्जन झोत्था मिलके,करत हवँय दुराचार। दुराचारी मन के नाश करे बर,आजा अपन त्रिशूल मा करके तेज धार। तोर करत हँव गोहार महादेव,आके तोर दुआर। हसदेव जइसे कतको जंगल मा,चलत हवय टंगिया-आरी। जंगली जानवर,चिरई चिरगुन के,नइहे हितवा,नइहे संगवारी। जंगल के विनाश करइया बर तांडव करत,अपन त्रिनेत्र ला फेर खोल दव एक बार। तोर करत हँव गोहार महादेव,आके तोर दुआर। खुद के सुख के चाह मा कतको मनखे मन,नइ चाहय दूसर के हित। वइसन मनखे मन के हिरदय मा भर दव परहित बर लबालब मया पिरीत। तभ्भे होही 'महाशिवरात्रि' के तोर किरपा ले,ए जग अउ कलजुग के उद्धार। तोर करत हँव गोहार महादेव,आके तोर दुआर। जीतेन्द्र निषाद'चितेश' सांगली,जिला-बालोद
Read more

बरवै छंद

बरवै छंद जल बिन परिया परगे,बखरी मोर । टूटे बिजली खम्भा,ठप हे बोर ।। बिजली अधिकारी के,नइये ध्यान । आठ दिवस अब होगे,हँव हलकान ।।
Read more