जुमला लगाथे मोर गोरी रोपा
जुमला लगाथे मोर गोरी ह रोपा।
मुड़ म सँवारे जिम्मेदारी के खोपा।
टुपटुप कलेचुप रोपा लगावत।
मुस मुस उदुपले पनिया माँगत।
गड़गे सजना,बड़जन खोभा।
जुमला लगाथे मोर गोरी ह रोपा।
होगे अलहन,बड़जन,जी के काल।
कइसे कमाहूंँ एसो?मोर हाल बेहाल।
नइ हे कमइया,घर हे आरुग खोखा।
जुमला लगाथे मोर गोरी ह रोपा।
महँगाई मारै सजनी सँवारै घर ल।
सजना लागै जोहार,सजनी के हुनर ल।
मेहनत के ये रूप ह चमकै अनोखा।
जुमला लगाथे मोर गोरी ह रोपा।
मुड़ म सँवारे जिम्मेदारी के खोपा।
जीतेन्द्र निषाद"चितेश"
Comments
Post a Comment