सोभन छंद
सोभन छंद
ज्ञान देबे शारदे माँ,जेन बाँटय ज्ञान।
कभु दिखावा मा बुड़े झन,पाय हरदम मान।।
नित करय साहित्य सेवा,बिन सुवारथ रोज।
वइसने हे शारदे माँ,गुरु मिलय बिन खोज।।
कुण्डलिया छंद
कुण्डलिया छंद दोसी हावय कोन अब,जलके होगे खाख । कतको लइका आज गा,कोचिंग मा नइ साख ।। कोचिंग मा नइ साख,मौत के बनगे सेंटर, जरके मरिस अतेक,रहीगे देखत मेंटर । खो दिस बेटा फेर,अकेल्ला होगे मोसी, गिरगे दुख के गाज,कोन हे एकर दोसी ।
Comments
Post a Comment