माँग पत्र
मोर गाँव बर माँग पत्र,
कविता के जरिया ले।
हमर छत्तीसगढ़ के आदरणीय मुख्यमंत्री श्री विष्णुदेव साय।
बालोद जिला के जम्मो केंवट मन ह बड़ आदर से हें बलाय।
गाँव भिलाई म झूमर-झूमर के भौंरा स्वागत गीत सुनाय।
राम बरोबर विष्णुदेव साय,केंवट कुनबा म आज तो आय।
दरसन करत हें शबरी बरोबर केंवट कुनबा के जम्मो दास-दासी।
मया के जूठा बोइर खाइन वनवासी,तरगिन गाँव भिलाईवासी।
मोर नाँव जीतेन्द्र,मुख्यमंत्री जी,सांगली गाँव बर अपन मया बरसाव।
केंवट समाज के भवन बर,दस लाख के घोषणा कर दव एक घांँव।।
कोनो नेता,अभिनेता,समाज सेवक मोर अरजी मुख्यमंत्री सो पहुँचाव।
अउ स्वीकृति करा के,ये चारण के मुख ले जिनगी भर वाहवाही पाव।
इही अरजी हे ये सेवक के सुन लव मोर गोहार।
किरपा होही तुंँहर,कर लव मोर अरजी स्वीकार।
जीतेन्द्र निषाद"चितेश"
ग्राम-सांगली,पोस्ट-पलारी
तह.-गुरुर,जिला-बालोद(छ. ग.)
Comments
Post a Comment