बिन बादर गिरे पानी

जब बिन बादर गिरे पानी तब नइ चुहय छानी,
फकत,किसान के हिरदे ले रिमझिम बरसे पानी।

न सावन लागे न भादो,दुख के धरती हरियावै,
बाँवत के दिन मा दया के बरसा बादर नइ आवै।

कातिक मा किसानी के बेरा,बरखा लगावै फेरा,
किसान के डोली रूपी अंगना मा करय बसेरा।

न कोनो रोक सकै न टोक सकै बरसे जबरन,
झन बरस बादर कही के किसनहा करय सुमिरन।

जीतेन्द्र निषाद 'चितेश'

Comments

Popular posts from this blog

ज्ञान के आँगन का सवाल

सारी के बिहाव म

दोहा छंद