सेल्फी के धुन
सेल्फी के धुन म,सून होगे पुन।
निकलै दिखावा म दिन छुन छुन।
नेकी कर सोशल मीडिया म डाल।
बता अपन करनी के जम्मो हाल।
इही चरित्तर हे लोभ के देश-दुनिया म।
काम कोन करे नि:सुवारथ के गुनिया म?
अपन चोला तरी धीरे धीरे गुन।
सेल्फी के धुन म,सून होगे पुन।
जेवनी हाथ के करनी,डेरी हाथ झन जाने।
अइसन हो करनी,ऊपरवाला तोला माने।
करके भलाई,कलेचुप,घर निकल भाई।
मनखे करे चाहै तोर बुराई या बड़ाई।
बिना शोर,हिरदै के गोठ सुन।
सेल्फी के धुन म,सून होगे पुन।
जीतेन्द्र निषाद'चितेश'
Comments
Post a Comment